fbpx
美妝產品試用

怎麼自己處理眉毛,令到眼眉立體有神,達到修容效果!

無論你係男人定女人,大男生定小女士,都一定遇過修眉難題,今次的教學,希望可以幫到大家!

但係,咁…….修眉應該點修同用咩工具好呢?

首先,係市面上主流的修眉工具分別係:

💁🏻‍♂️眉鉗💁🏻‍♂️蜜蠟💁🏻‍♂️剪刀💁🏻‍♂️眉剃刀

當然仲有古法線面修眉,哩個就唔多講啦,因為始終已經唔入流了。

咁以上4種又有咩分別呢?

💁🏻‍♂️眉鉗:好處係可以連根拔起,而且維持時間十分持久,亦都非常乾淨。記得抆的時候跟返眉毛生長方向去抆啦。

而眉鉗都有分一字形同埋較剪形的。

一字形的眉鉗方面,小編試過Tweezerman ,Shu Uemura 同Rubis 哩3個牌子。發現最好用係Shu Uemura 同Tweezerman。因為佢哋鉗的嘴位係用全人手打磨的,連好幼好細的眉毛都可以連根拔起,而且唔刮肉,係皮膚上面滑行咁鉗都唔會痛。而Rubis就岩岩相反啦。佢鉗的嘴位過利,所以,唔可以係皮膚上面滑行咁鉗,如果唔係會好容易令到皮膚泛紅或者敏感架。

至於較剪形的眉鉗方面小編就無咁建議啦,因為當使用的時候,發覺拎眉鉗個2隻手指經常遮住需要修眉的地方,角度相對難就,形成好多盲點。

一字形的眉鉗

💁🏻‍♂️蜜蠟:蜜蠟修眉的好處係修BB毛的位置好乾淨同埋好快。但其實有一定危險性的,如果你係皮膚過敏,有紅斑狼瘡或濕疹的人士都絕對唔可以用蜜蠟咖。而且,蜜蠟始終係熱用,所以一開始擺落皮膚到,都有少少過熱的痛感。

💁🏻‍♂️眉剃刀:眉剃就絕對唔建議啦,因為好容易令到皮膚敏感發炎,維持時間唔持久,而且,剃完後都會有一點點黑色係毛孔位置,非常唔美觀,又有機會引致新生長的毛髮倒生,影響之後眉毛的生長方向。而怇唯一的好處係真係好方便。

哩D就係所提及唔美觀的黑色點點啦。

💁🏻‍♂️眉剪:怇的功能同另外個三種就完全唔同了。怇主要係剪掉過長DUP左的眉毛,令到眉線十分清晰。而有經驗的眉師更可以利用它來偷薄過濃的眉毛位置,達到眉色均勻效果。但相對地,佢使用起上黎所要求的技巧都比較高。

小編絕對唔建議用安全較剪形的眉剪,因為個嘴口唔夠俐落,好難睇清楚,容易剪錯。
至於哩個帶梳形的眉剪,主要唔係剪過長的眉毛,而係用黎偷薄過厚的眉毛,令到我地的眉色均勻。

如果真係要做個比較,小編就認為:

💁🏻‍♂️眉鉗🌟🌟🌟🌟

💁🏻‍♂️蜜蠟🌟🌟

💁🏻‍♂️眉剪🌟🌟🌟🌟

💁🏻‍♂️眉剃刀🌟

🟥🟥🟥🟥🟥🟥🟥🟥🟥🟥🟥🟥🟥🟥

到教大家點樣可以自己幫自己修眉啦。

首先,要分清邊D係可以無後顧之憂咁去抆的雜毛,邊D係自己盡量唔好抆,因為抆錯左就有機會唔再生的主眉毛。

標準黎講,眉頭係建議內眼角對上的point,但其實眉頭可以近鼻少少都無問題,因為咁樣個眼眉輪廓會再立體D的。

而眉峰會好似圖中咁,但係要留意,眉峰係可以前後調教的。咁到底係點樣決定呢? 其實主要係取決於你的喜好! 如果你係鍾意較平的眉,眉峰就稍稍偏後;而如果你鍾意較彎的眉,眉峰就稍稍偏前啦。

眉尾就非常簡單,只需係鼻翼位置往外眼角拉一條45度的直線,咁就可以知道自己眉尾標唔標準啦。但其實好多亞洲女性本身的眉毛好少達到眉尾的標準,咁就要靠大家畫或者去做半永久化妝術啦。

標準眉形的3個重點位置。

搵到個三點之後呢,就要話比大家知咩係主眉,咩係雜毛啦。基本上係上眼蓋的都係雜毛黎。另外,係近主眉附近,會見到一D顏色比較淺的眉毛,其實個D都係雜毛,都可以放心去修咖。

希望今次的分享可以幫大家揀到啱你地的修眉工具,重點係唔好嘥時間嘥錢試嘛。

同埋今次教左大家點樣分辨雜毛同主眉毛,哩個非常重要啊,因為抆左主眉毛的話,係好有機會生唔返咖。

如果你地都想修返好個眉型,修完好似畫左的效果同埋想偷薄眉毛,均勻眉色的話,就記得聯絡我地@zack,享受一個專業而優質的修眉服務啦😊

以下係我地的經驗眉師@zack 利用眉鉗同眉剪操作的修眉效果圖

@ZackieBrows熟客客人本身毛量不多但常常覺得好厚所以定時搵 Zack 修眉

如有任何諮詢,請隨時whatsapp/Signal 51152034 聯絡! 我地會提供免費諮詢服務,盡快解答你心中的疑問!

Official Instagram : zackstudiohk

Official Facebook : ZackieBrows

Founder Youtube: ZackieJai

Address: 九龍尖沙嘴百利商業中心13樓25室

About Author

我是一位化妝師;也是一位飄眉師 ;
是人馬座俵俵者 ; 還是白日夢專家?

看著美的東西 ; 想著美的東西 ; 就會得到美的結果嗎?

(4) Comments

  1. That is a very good tip particularly to those new to the blogosphere.

    Brief but very accurate information… Many thanks for sharing this
    one. A must read article!

    Also visit my site :: Royal CBD

    1. Thank you so much for your comment^^ hope you find it helps

  2. 唔對稱 says:

    多謝分享。
    不過好怕mung眉因為好痛,兩條眉眉形唔對稱又怕修錯,一直處於雜草狀態,不過而家識分啦

    1. 只要順眉毛方向MUNG 同埋個鉗嘴位盡量貼近眉毛根部就無咁痛架啦^^如果大家想知其他方面的化妝技巧,識既我都可以分享下心得架.哈哈

發佈留言

發佈留言必須填寫的電子郵件地址不會公開。 必填欄位標示為 *

×

Like us on Facebook